Татар теле дәресенең техник картасы ("Куян булып киенә төзелмәсе" 3 сыйныф, рус төркеме)
план-конспект урока на тему

Укытучы

Биктаһирова Руфия Фаяз кызы

Дәрес

Татар теле                  

Сыйныф

3 в

Дәрес төре

-Яңа белемнәрне “ачу”

-Катнаш дәрес

+

-Өйрәнгәннәрне гомумиләштерү һәм системага салу

-Контроль дәрес

-Белемнәрне практик яктан куллану

-Ныгыту дәресе

Уку – укыту методикасы

• репродуктив

+

• аңлату-күрсәтү

+

• проблемалы укыту

• өлешчә эзләнү

+

• тикшеренү

Дәрес темасы

Куян булып киенә төзелмәсе.

Максат

Укучыларның, дусларының бәйрәмдә кайсы хайван булып киенүләрен әйтә белүләре

Аралашу ситуациясеннән чыгып, элементар коммуникатив мөмкинлекләрен үстерү.

Дәреслек белән эш итү күнекмәләрен булдыру.

Көтелгән нәтиҗә

Дәрес ахырына укучылар (куян) булып киенә төзелмәсен аңларга, телдә һәм язуда дөрес кулланырга тиеш.

Төп терминнар

Кар бабай,  Кыш бабай, Кар кызы, Яңа ел бәйрәме, чыршы, бәйрәм, уенчыклар, шигырь, сөйли, бии, бизи, җырлый, ясый, котлау, әзерләдек, (куян) булып киенә

Предметара бәйләнешләр

әйләнә-тирә дөнья, әдәбият, сәнгать, тән тәрбиясе

Ирешеләчәк нәтиҗә

Предмет күнекмәләре:

Язу күнекмәләре

- каллиграфик дөрес итеп язу

- дөрес итеп күчереп язу

Уку-язу күнекмәләре:

-татар теленең орфографик һәм пунктуацион кагыйдәләрен саклау,

-куян булып киенәм төзелмәсен язма телдә куллана белү

Тел күнекмәләре:

- сүзләрнең мәгънәсен белү

- дөрес әйтү

- куян булып киенәм төзелмәсен сөйләм телендә куллана белү

- аларны җөмләдә дөрес куллану

Шәхескә кагылышлы универсаль уку гамәлләре (УУГ):

-дөрес сөйләм булуга омтылыш;

-үз фикереңне әйтә белү;

-төркемнәрдә килешеп эшли белү;

-иптәшеңә рухи ярдәм күрсәтә белү;

-фикереңне дәлилли белү

Регулятив УУГ:

-уку бурычларын кую;

-барлыкка килгән ситуациядә ориентлаша белү;

-үз фикереңне төгәл җиткерү;

-дөрестән дөрес түгелне аеру;

-таныш арасыннан таныш булмаганны билгели белү;

-нәтиҗәләр формалаштыру

Танып - белү УУГ:

-тиешле мәгълүматны табу һәм аерып алу;

-төрле рәвештә бирелгән мәгълүматны кабул итү һәм аңлау;

-рәсем, иллюстрацияләр ярдәмендә сорауларга җавап таба белү;

-укыганны анализлау;

Коммуникатив УУГ:

-башкаларның сөйләмен ишетү һәм тыңлау;

-үз фикереңә ышандыра белү;

-башкаларга аңлаешлы сөйләм төзү

Эшне оештыру

Эш формалары

Ресурслар

Фронталь эш

Төркемнәрдә һәм парларда эш

Индивидуаль (дифференциаль) эш

Куллану өчен дәреслек: Күңелле татар теле, 3 нче сыйныф, Р.З.Хәйдәрова, Г.М.Ахметзянова, Л.А.Гиниятуллина. 2013 ел. Рус телендә белем бирүче дүртьеллык башлангыч мәктәпнең 3 нче сыйныфы өчен дәреслек.

Эш дәфтәре.

Гыйниятуллина Л.А., Хәйдарова  Р.З. Татар теленнән эш дәфтәре (Башлангыч гомуми белем бирү мәктәбенең рус телендә сөйләшүче 3 нче сыйныф укучылары өчен)

Техник чаралар:

-ноутбук

-презентация

-мультимедиадиск

-күрсәтмәлелек

Дәрес этаплары

Ресурслар

Укытучы гамәлләре

Укучылар гамәлләре

УУГ

1.Оештыру моменты

Исәнләшү

Исәнләшүгә җавап бирү

шәхескә кагылышлы УУГ

2.Белемнәрне актуальләштерү

максат куелышы

Дәреслек

Укытучы өй эшен тикшерергә тәкъдим итә.

Укытучы дәрес темасын билгеләү өчен тәрҗемә эшеннән башларга тәкъдим итә.(дәреслек 8 бит 1 нче күнегү). Эш дәфтәрләренә 4 нче күнегүнең дөрес җавабын язып куярга куша.

Укучылар котлауларын укыйлар.

Укучылар тәрҗемә өстендә  эшлиләр.

Укучылар биремне үтиләр һәм бергәләшп тикшерәләр.

регулятив УУГ

шәхескә кагылышлы УУГ коммуникатив УУГ

3.Аңлату

Дәреслек

күрсәтмәлелек

Укытучы Яңа ел концерты вакытында балалар ничек киенәләр дигән сорау бирә

Укытучы дәреслектәге 5 нче күегүгү (9 бит) үрнәгендә (куян) булып киенә төзелмәсенә алып бара. Укучыларга бу күнегүне телдән үтәргә тәкъдим итә.

Укучылар җавап бирәләр.(җавапларның берсе арасында– төрле хайваннар костюмнары дигән җавап та була).

Укучылар күнегүне  телдән үтиләр

танып - белү УУГ

4.Беренчел ныгыту

Дәреслек

презентация

Укытучы төзелмәне язмача үтәргә тәкъдим итә.

Укучылар күнегүне язмача үтиләр

.

танып - белү УУГ

регулятив УУГ

5.Динамик пауза

презентация

Укытучы динамик пауза ясарга тәкъдим итә.

Ак куянкай утырган, 
Колакларын селкетә.
Менә шулай, менә шулай,
Колакларын селкетә.
Куян туңа башлагач
Аякларын җылыта.
Менә шулай, менә шулай,
Аякларын җылыта.
Куян һаман да туңа, 
Сикергәләп тә куя.
Менә шулай, менә шулай,
Сикергәләп тә куя.
Кемдер аны куркытты,
Ул урманга элдертте.

Укучылар презентациядә күрсәтелгән хәрәкәтләрне үтиләр.

коммуникатив УУГ

6.Ныгыту

Дәреслек

презентация

Укытучы укучыларга эш дәфтәрендәге 34 нче биттәге 5 нче күнегү белән танышырга һәм мөстәкыйль рәвештә аны үтәргә тәкъдим итә.

Укучылар биремне үтиләр.

шәхескә кагылышлы УУГ

регулятив УУГ

7.Йомгак.

Рефлексия.

Өй эше.

Дәреслек

презентация

Дәреслек

Укытучы үтәлгән күнегүне контрольгә ала.

Өйгә укытучы альтернатив өй эше бирә.

1в. Дәреслектән 9 нчы күнегү (10 бит) язмача үтәргә.

2в. Дәреслектән 9 нчы күнегү (10 бит) язмача үтәргә, ошаган сүзтезмә белән дәреслектә кебек рәсемле җөмлә язарга.

Укучылар биремне тикшерщлщр.

Өйгә эшне язып алалар.

коммуникатив УУГ