Конференцийы сценари

20.04.2018г.

Темæ: «Ирон патриотон литературæ æмæ мадæлон æвзаджы бахъахъхъæныны мадзæлттæ».

Нысан:  Рæзын кæнын уарзондзинад мадæлон æвзагмæ;

                    хъомыл кæнын сæрыстырдзинад нæ хистæртæм,

                    дзырддзæугæ лæгтæм, райгуырæн бæстæмæ.

“Ма чысыл Ир! Æз дæр дæ фырт дæн!

Æдæрсгæ сдзурын мæ фæнды”

Хаджеты Таймураз.

 Хъуысы зарæг Ирыстоныл.

Амонæг-Артур

Арæх фæзæгъынц:

“Фыдыбæстæ – ныййарæг мад”.

Адæймаг куы сæвзæрд, уæдæй фæстæмæ нæ загьта уымæй рæсугъддæр ныхас. Адæймаг йæ Райгуырæн бæстæ йæ мад куы схуыдта, уæдæй уæздандæр, куырыхондæр никуы уыд.

Фыдыбæстæ ныййарæг мадау адджын у. Нæй йын аппарæн, най йын рохгæнæн. Уыцы зæхх у уæлдай зынаргъдæр æмæ адджындæр. Уый уарзон зæхх у, нæ рагфыдæлты зæхх – Ирыстон.

Амонæг- Кристинæ.

Бирæ стыр ахуыргонд лæгтæ радта Ир. Нæукæйы æппæт къабæзты, аивад æмæ культурæйы уыдон сарæзтой бирæ бæллиццаг хъуыддæгтæ. Сæ нæмттæ хъуыстгонд сты канд Иры нæ, фæлæ Уæрæсейы æмæ суанг фæсарæнты дæр. Ирыстон сæрыстыр у йæ бæрзонд хæхтæ æмæ урсдзыкку æхсæрдзæнтæй, йæ гауызфыст быдыртæй, йæ райдзаст горæттæ æмæ хъæутæй. Фæлæ уæлдай сæрыстыр та у йæ фæзминаг хъæбултæй. Райгуырæн зæххæн кад æмæ ном чи скодта.

Амонæг- Артур

Цæуылнæ хъуамæ уарзæм æмæ сæрбæрзонд уæм Ирæй, кæцы балæвар кодта бæстæйæн:

- Зындгонд поэт Къостайы, кæй æмдзæвгæтæ кæсынц немыцаг, англисаг æмæ æндæр фæсарæйнаг æвзæгтыл.

- Нæ дуджы стыр ахуыргонд, æнусы цард æмæ æнусы кад кæмæн ис, уыцы Абайты Васойы. Уый уыд стыр ирон ахуыргонд. Уый дунейы адæмты базонгæ кодта йæ гыццыл Ирыстоны историимæ, нæ адæмон сфæлдыстадимæ, нæ рæсугъд ирон æвзагимæ.

Амонæг- Кристинæ.

Мах сæрбæрзонд стæм нæ адæмæй, кæцы уæззау æмæ зын уавæрты дæр бахъахъхъæдтой нæ диссаджы алаинаг æвзаг.

- Мах сæрбæрзонд стæм нæ адæмæй, кæцы хоны йæхи Ирон, йæ бæстæ та – Ирыстон.

Хонгæ кафт

Амонæг- Артур

Се’рыгон удтæ нæ бæстæйы сæрвæлтау радтой тынг бирæ æрыгон фæсивæд, Ирыстоны æдзард хъæбултæ. Уыдонимæ нæ поэзийы фидауц Кочысаты Мухарбег, Елехъоты Мурат, Баситы Дзаххот, Калоты Хазби, Дарчиты Дауыт, Дзаболаты Хазби.

Скъоладзаутæ кæсынц æмдзæвгæтæ

Бэла Таймуразовна

Фыдыбæстæ æмæ патриотизм хæсты заманы уыдысты ирон поэзийы сæйраг темæтæ.

Ирыстоны уарзон хъæбултæ, махæй, кæстæр фæлтæрæй, никуы уыдзысты рохы, сæ кад, сæ ном уыдзæн уæлæуыл, цæрдзысты бирæ азты немæ.

Ныхасы бар Терчы фаллаг фарсы районы ирон æвзаджы бахъахъхъæныны комитеты сæрдар Догъуызты Тенгизæн.

Хъуысы зарæг “Мæ Ирыстон”

Скъоладзаутæ кæсынц æмдзæвгæтæ. Ирон æвзаг!

Амонæг- Кристинæ.

Алы адæммæ дæр вæййы зынаргъ  хæзнатæ: райгуырæн бæстæ, æгъдæуттæ æмæ æвзаг. Æвзаджы æвæрд сты фыдæлты фарн, монон культурæ, адæмон сфæлдыстад æмæ дзырдаивад. Мадæлон æвзаг у удварны хæзнадон, æфсармы суадон æмæ зонды куырдадз.

Гъе уымæ гæсгæ, мадæлон æвзаг домы æнæкæрон уарзт æмæ аудындзинад. Уый хъахъхъæнинаг у цæстыгагуыйау, цæмæй фæлтæрæй-фæлтæрмæ лæвæрд цæуа сыгъдæг æмæ рæсугъдæй. Дунейыл цы æвзæгтæ ис, уыдонæй алкæцы дæр йæхирдыгонау рæсугъд æмæ цымыдисон у. Уыцы æвзæгты æхсæн мадæлон æвзагæн йæхи сæрмагонд бынат ис, уый домы сæрмагонд ахаст алы адæймагæй дæр.

Амонæг- Артур

Уыцы æвзæгтæй иу у ирон æвзаг. Кæд йæ историйы фæндагыл рацыд стыр зындзинæдтимæ, уæддæр нæ фыдæлтæй махмæ æрхæццæ хъæзныг æмæ рæсугъдæй. Ирон æвзаг у, нæ фыдæлтæ се рвылбонон царды цы æвзагыл дзырдтой, ныййарæг мад-иу йæ хъæбулæн авдæны зарæг цы æвзагыл базарыд, ирон фынджы уæлхъус ирон хистæр дзуапп цы æвзагыл дæдта, ахæм æндон æвзаг.

Иу дзырдæй, ирон æвзаг у ахæм æнæаргъ хæзна, кæцыйæ буц æмæ сæрыстыр хъуамæ уа алы ирон адæймаг дæр. 

Чызджыты кафт

Амонæг- Кристинæ.

Стыр хæзна кæддæриддæр хъахъхъæнинаг вæййы цæсты гагуыйау.Куыд нæ  хъуамæ хъахъхъæнæм мах дæр нæ мадæлон æвзаг,кæд æмæ Нарты фæткъуыйау йæ дыргътæ сты æлутон! Кæд æмæ æвзаг у адæмæн сæ кувæндон,сæ уд,сæ ивгъуыд,сæ царды уаг æвдисæг,сæ развæндагамонæг.

- Кабулова Алана. Дыууæ дидинæджы.

Амонæг- Артур

Адæймаг цы бæстæйы ,цы зæххыл райгуыры ,уый фæхоны Фыдыбæстæ,фыдызæхх.Адæймаг сабийы бонтæй фæстæмæ цы взагыл фæдзуры,уый та фæхоны мадæлон.Уымæн æмæ йæ райсы йæ мады æхсыримæ.Уымæн æмæ къонайы тавс фыццаджыдæр мады зæрдæйæ цæуы,артдзæст уый хъахъхъæны.

Нæ ирон мадæлон æвзаг у дзырдтæй хъæздыг,мидисæй нывæфтыд,аив ,рæсугъд.Ирон цыбыр ныхасы зæгъæн ис стыр хъуыдытæн.Уыцы бæлвырд уавæрæн æргом æвдисæнтæ сты нæ адæмы дзыхæй дзургæ сфæлдыстад æмæ фысджыты хуыздæр аивадон уацмыстæ.

          Хъыгагæн,рæзы ,мадæлон æвзаг кæмæй ферох æмæ уырыссаг æвзагыл чи дзуры,йæ мадæлон æвзаг чи нæ зоны,уыцы ирæтты нымæц.

Ахуырдзауты равдыст ( сценкæтæ) Коцойты Арсены карикатурæтæ.

Бэла Таймуразовна

Арсен тынг хорз зыдта ирон адæмы цард, национ характеры миниуджытæ,йæ рæстæджы æхсæнадон ныхлæудыдтæ.æАхсджиаг проблемæтыл бæрзонд идейон – аивадон уацмыстæ нывæндгæйæ, уый æвдыста хъууон адæмы социалон дихдзинад,сæ ахастытæ,сæ цардыуаг. Æргом кодта аххосджынты æмæ сын сатирæйы хаста карз тæрхон.

Ныхасы бар Терчы фаллаг фарсы районы Стыр Ныхасы сæрдар Туаты Русланæн.

Амонæг Кристинæ.

Æвзаг у адæмы истории.Æвзаг у цивилизации æмæ культурæмæ фæндаг, нациты фидауц, фыдæлтæй баззаинаг хæзна. Алы æвзаг дæр бæрзондыл æвæрд  у йæ адæмæн. Алчи дæр нæ хæсджын у, кæмæй равзæрдыстæм, уыцы адæмы раз – чи нын радта йе стырдæр хæзна - ''Нæ хæс у, дарæм æй сыгъдæг, хъæздыгдæр æй кæнæм.

Амонæг- Артур

Абон ма нæ конференцимæ , наукон- иртасæн куыст бацæттæ кодта 8-æм къласы ахуырдзау Токаты Сабинæ, йæ наукон куысты разамонæг у 21-æм скъолайы ,физикæйы ахуыргæнæг Токаты Татьянæ. Сæбинæ нын радзурдзæн ахуыргонд Токати Григорийы(Гогки) тыххæй. «Ацы адæймаджы ном зоны æгас дуне дæр. Уый у, „Меркури“ æмæ „Аполлон“-ы проектыл чи куыста, уыцы ахуыргæндтæй иу, стæй „Конкорд“-ы проекты автор. 1973 азы йын америкаг астронавттæ Мæйыл сæвæрдтой йæ портрет Вернер фон Брауны портретимæ иумæ».
Токаты Ахмæты фырт Гогки райгуырди Цæгат Ирыстоны. 1937 азы каст фæци Мæскуыйы Жуковскийы номыл хæстон-уæлдæфон академи, æмæ йæ уым баурæдтой — аэродинамикæйы лабораторийы кусæгæй. Йемæ куыстой зынгæ конструктортæ, ахуыргæндтæ. Царди æмæ куыста Лондоны. Амарди 2002 азы.

Бэла Таймуразовна

 Мах канд ирон ныхасыл нæ ахуыр кæнæм, фæлæ ма тынг уарзæм ирон аивад. Уæ хорзæхæй, нæ уазджытæ, кафты бар уын.

(Хъуысы «Ханты цагъд»)

Абон нæ конференци уыйадыл фæци, бузныг! Хорз фæндæгтыл цæуыт! Фæрнæйдзаг ут!

Конференцийы сценари

«НÆ ИРОН ÆГЪДАУ – НÆ ФИДÆНЫ БЫНДУР».

Темæ:   Хистæр æмæ кæстæр фæлтæрты хсæн ахастдзинад

Нысан: Гуырын кæнын уарзондзинад хистæр кары адæммæ;

              хъомыл кæнын скъоладзауты ирон адæймаджы хуыздæр      

              миниуджытыл.

 Эпиграф

 «Царды мӕсыг амад у ӕгъдау, уаг ӕмӕ ӕфсармы фидар дуртӕй.                      Уыдонӕй,зӕгъгӕ, иу феуӕгъди,            уӕд дӕ балгъитӕг дӕр афтӕ – мӕсыг ныххӕррӕтт ласта…» (Хозиты Махар)     

Амонæг- Уæ бон хорз, нæ зынаргъ уазджытæ!

Амонæг -Æгас нæм цæут, æмæ уыл рæсугъд бæрæгбæттæ цæуæнт!

Амонæг- Нæ конференцийы темæ у «Хистæр æмæ кæстæр фæлтæрты хсæн ахастдзинад».

Амонæг- Кæстæр зон!

Амонæг- Кæд дæхи ирон хоныс, уæд дæ зæрдыл дар, нæ адæмы фидæн дæуæй аразгæ кæй у, йæ хъысмæт дæу къухты кæй ис!  

Амонæг- Нæ рагфыдæлтæ нын нæ ныууагътой дурæй амад фидæрттæ, стыр сахартæ æмæ бирæ зæххытæ, фæлæ нын уыдоны ныхмæ ныууагътой стырдæр хæзнатæ: сæ миддунейы арф философи, сæ æвидийгæ культурæ, сæ диссаджы уæздандзинад æмæ аланты æвзаг.  

Амонæг- Незамантæй нырмæ нæ ирон царды бындур уыдысты Ирон Æгъдау æмæ Адæмы Фарн. Æнæ уыдонæй ирондзинадæн уæвæн нæй, нæй йын фидæн. Æнæ уыдонæй ирон адæм æнæмæнг цæуынц сæфтмæ.  

Амонæг- Фыдæлтæй баззад хистæрæн аргъ æмæ лæггад кæнын, йæ ныхасмæ йын лæмбынæг хъусын. Æмæ уыцы æгъдау хъуамæ махæн сæфт макуы уа. Фæлæ абоны царды хистæр æргом куы рæдийа, æгъдау куы хала, уæд æм нæ байхъусын къаддæр зиан хæссы, æнæгъдау ми бакæнынæй.  

Амонæг- Ныры дуджы 18-æм æнусы царды æгъдæуттæ ногæй джиппы рауадзæн нал ис, уый бæлвырд у. Фæлæ не ‘хсæнадон ахастдзинæдтæн ис, ирæттæ цæй фæрцы стæм, æмæ нын иннæ адæмтæ аргъ цæй тыххæй кæнынц, ахæм бындур .  

Уый ды фехалын ма бауадз!  

Амонæг- - Зон æмæ æххæст кæн кæстæр-хистæры æмæ хистæр-кæстæры æгъдау. Кад кæн нæ фæрнæйдзаг хистæртæн, ис сæ зонд æмæ фæлтæр. Зон, ирон адæмы фарн хистæрæй кæстæрмæ кæй цæуы, æмæ фидæны дæ кæстæртæ уыцы фарн дæумæ кæй агурдзысты.  

Æмдзæвгæтæ

Нæ фыдæлтæ – «Нæртон адæм!»

Уæ кад дæрддыл хъуыстгонд уыди…

Уæ цæуæт та - «Ирон адæм!»

Сæ ныхмæ лæг, нæ лæууыди …

Куы нæм уаид, ноджыдæр ма …

Уырызмæгау сæрæнгуырдтæ,

Куы нæм уаид, ноджыдæр ма…

Сатанайау бæркадармтæ!

Нæ чызджытæ, куы фæзмиккой

Сатана мæ Дзерæссæйы!

Нæ лæппутæ куы рхониккой,

«Хонгæ» кафтмæ, Сатанæйы!

Нæ фыдæлты кадджын номæй

Абон дæр ма кадджын ыстæм!

Ӕз уын зæгъын мæхи номæй ,

Ирон адæм! – нартæй ыстæм!

Ӕрцæгъдæм ма ирон фæндыр,

Нæртон лæппу Ацæмæзау!

Макæй уадзæм, йæхи фæндыл

Кафæм, зарæм - «Нæртон лæгау!».

Хонгæ кафт

Амонæг- Уæдæ абон æрдзурдзыстæм не’гъдæутты сæйрагдæртæй иу – хистæрæн кад кæныныл, хистæры буц дарыныл. Уымæн æмæ хистæр кадджын кæм уа, кæстæр – æгъдауджын, уым ирон æфсармæн сæфæн нæй. Сæфæн нæй нæ фыдæлты фарнæн.

Уыдон сæ фарн семæ нæ ахастой, фæлæ йæ ныууагътой махæн кæрæдзи уарзынæн, рæсугъддæр цæрынæн.

Ныхасы бар уазæгæн

Скъоладзауты фарстатæ  темæйы фæдыл

Амонæг- Уæдæ ныр та сбæрæг кæнæм ахуырдзауты зонындзинæдтæ, сараздзыстæм цыбыр викторинæ. Нæ ахуырдзауты хсæн ис иннæ адæмыхатты минæвæрттæ дæр, уымæ гæсгæ нæ викторинæйы фарстатæ уыдзысты уырыссаг æвзагыл. Уæдæ райдайæм.

1 тур. Осетинский язык, литература, история.

1.КАКИЕ  ЦВЕТА  НА  ФЛАГЕ  ОСЕТИИ ,  ЧТО  ОНИ  СИМВОЛИЗИРУЮТ?

(БЕЛЫЙ ЦВЕТ – СИМВОЛ  МОРАЛЬНОЙ ЧИСТОТЫ,КРАСНЫЙ - ВОИНСКОЙ  ДОБЛЕСТИ,ЖЁЛТЫЙ  - ИЗОБИЛИЯ  И  БЛОГОДАТИ).

2. С КАКИМИ ФАМИЛИЯМИ СВЯЗАНЫ ЭТИ ЦВЕТА.КАКИЕ  ПРЕДМЕТЫ  ОТНОСЯТСЯ  К ЭТИМ ФАМИЛИЯМ? 

 БЕЛЫЙ ЦВЕТ ПРИНАДЛЕЖИТ ФАМИЛИИ   АЛǼГАТǼ - ЭТО  ЖРЕЦЫ,   ПРЕДМЕТ,  ПРИНАДЛЕЖАВШИЙ  ИМ – МОЛИТВЕННАЯ       ЧАША (УАЦАМОНГǼ); 

 КРАСНЫЙ  ПРИНАДЛЕЖИТ  ФАМИЛИИ  ǼХСǼРТǼГГАТǼ - ЭТО  ВОИНЫ,ПРЕДМЕТ  ПРИНАДЛЕЖАВШИЙ   ИМ СЕКИРА,     МЕЧ (ФǼРǼТ);  ЖЕЛТЫЙ ПРИНАДЛЕЖИТ ФАМИЛИИ   БОРǼТǼ - ЭТО ЗЕМЛЕДЕЛЬЦЫ,ПРЕДМЕТ   КОТОРЫЙ  ИМ ПРИНАДЛЕЖИТ-ПЛУГ    (ГУТОН).

3. К   КАКОЙ ЯЗЫКОВОЙ  ГРУППЕ ОТНОСИТСЯ   ОСЕТИНСКИЙ ЯЗЫК?

ОСЕТИНСКИЙ ЯЗЫК ОТНОСИТСЯ К  ИНДО - ЕВРОПЕЙСКим  ЯЗЫКам, К  ИРАНСКОЙ ГРУППЕ.

4.  НА КАКИЕ ДИАЛЕКТЫ ПОДРАЗДЕЛЯЕТСЯ ОСЕТИНСКИЙ ЯЗЫК?

ОСЕТИНСКИЙ ЯЗЫК ПОДРАЗДЕЛЯЕТСЯ НА 2  ОСНОВНЫХ  ДИАЛЕКТА: ИРОНСКИЙ, ДИГОРСКИЙ.

5. КОГО ИЗ   ИССЛЕДОВАТЕЛЕЙ ОСЕТИНСКОГО ЯЗЫКА ВЫ ЗНАЕТЕ?

ОСНОВНЫМИ ИССЛЕДОВАТЕЛЯМИ ОСЕТИНСКОГО ЯЗЫКА ЯВЛЯЛИСЬ:  ВАСО АБАЕВ, ПФАФ, ЖОРЖ    ДЮМЕЗИЛЬ, МИЛЛЕР, ШЕГРЕН И Т.Д.

6. ЕГО НАЗЫВАЛИ «ОТЦОМ ИСТОРИИ», ОН МНОГО НАПИСАЛ О НАШИХ ПРЕДКАХ.

Геродот (родился между 490 и 480 г. до н. э., умер около 425 г. до н. э.) родился в городе Галикарнасе на юго-западе Малой Азии. В средние века авторитет Геродота был велик, однако с XVIII в. усилилось критическое отношение к нему. Однако современные исследования, сопоставление данных Геродота с данными археологии и других наук показывают, что он обычно был точен в своих рассказах, а его древние оппоненты в своей критике допускали гораздо больше ошибок. Таким образом, Геродот вполне заслуженно носит титул «отца истории». История, разделенная позднее на 9 книг и названные по именам 9 муз.

7. КТО БЫЛ ПЕРВЫМ ПРОФЕССИОНАЛЬНЫМ ХУДОЖНИКОМ ОСЕТИИ?

НАЗОВИТЕ НЕСКОЛЬКО ЕГО КАРТИН.

ПЕРВЫМ ПРОФЕССИОНАЛЬНЫМ  ХУДОЖНИКОМ БЫЛ  КОСТА ХЕТАГУРОВ. ОН НАРИСОВАЛ: «ДОНДЗАУ» (ЗА ВОДОЙ), «ДУРСǼТДЖЫТǼ» (НА КАМЕНОЛОМНЕ), «ǼРДЗОН ХИД»(ПРИРОДНЫЙ МОСТ),  «СКОРБЯЩИЙ  АНГЕЛ».

8. ЗА СИЛУ, ЛОВКОСТЬ И ОТВАГУ  ЕГО ПРОЗВАЛИ « КАЗБЕК-ГОРА». ОН СТАЛ ПЕРВЫМ ОСЕТИНСКИМ ПРОФЕССИОНАЛЬНЫМ БОРЦОМ.   О КОМ ИДЕТ РЕЧЬ?  ЭТО БЫЛ КАНУКОВ  ТЕМЫРБОЛАТ  (БОЛА).

9.  «УӔД  РАЗЫНД ИУ СЫЛГОЙМАГ, РАМБЫРД КОДТА СИДЗӔР СЫВӔЛЛӔТТЫ…» О КОМ ИДЕТ РЕЧЬ? «ПОЯВИЛАСЬ ЖЕНЩИНА, КОТОРАЯ СОБРАЛА ДЕТЕЙ…».   ЗАДАЛЕСКИ НАНА

10. КТО ИЗ ХУДОЖНИКОВ ВПЕРВЫЕ ИЗОБРАЗИЛ НАРТСКИХ ГЕРОЕВ? МАХАРБЕГ ТУГАНОВ

11. Как  называется  сборник  стихов  Коста Хетагурова («Ирон  фӕндыр»).

2 тур. Вопросы  по традиционной культуре осетин.

12.  Кого из святых осетины называли и называют «Ӕргом дзуар» «Являющимся святым»?    УАСТЫРДЖИ.
13.  На каком инструменте исполняли свои произведения сказители? «Хъисын фӕндыр».
14.  У какого места в доме человек начинал свою жизнь и заканчивал?  «къона»
15.  Как называется пояс на женском национальном костюме?                                                                                                              «камари»
16.  Как называются нашитые на черкеске по обеим сторонам груди «кармашки» на мужском костюме?  «бӕрцытӕ» газыри.
17.  Как называли осетинское пиво? Напиток бессмертия.  «Ӕлутон»
18.  При каком обычае посвящали коня?  «Бӕхфӕлдисын» посвящали умершему мужчине.
19.   КАКОЙ ОСЕТИНСКИЙ НАРОДНЫЙ ТАНЕЦ ЯВЛЯЕТСЯ МАССОВЫМ?  СИМД
20. Формы искусственного родства у осетин? Объяснить. Усыновление, побратимство, аталычества.

Амонæг- Нæ фыдæлтæй нын баззад бирæ алыхуызон æгъдæуттæ. Иутæ дзы цард йæхæдæг аппæрста æмæ ферох сты. Бирæрæтæ дзы сты тынг хъахъхъæнинаг, хъæуы сæм раздæхын æмæ бамбарын, кæй сты нæ фидæны бындурæвæрæг.

Уæдæ цавæр æгъдæуттыл хæст уыдысты нæ фыдæлтæ æмæ цæстыгагуыйау хъахъхъæнинаг цæмæн сты?

Амонæг- Ирæттæм тынг нымад уыди хистæр фæлтæр, уæлдай цытджын уыди зæронд лæг. Æцæгæлон адæмы æхсæн æмæ бинонты астæу дæр зæрæдтæн кодтой кад æмæ æгъдау. Стыр аргъ кодтой сæ фæлтæрддзинадæн. Хистæртæ та сæ хъус дардтой фæсивæды уагмæ. Кæй зæгъын æй хъæуы, уыцы хъусдард кæстæрты царды мидæг æвæрдта хæрзæгъдауы фæндагыл. «Хистæр зондамонæг - кæстæр æгъдаудæттæг» - ацы æмбисонды ис æвæрд арф хъуыды. Хистæр фæзминаг куы уа, уæд æй кæстæр æнæмæнг нымайдзæн.

Амонæг-

Фарст нæ уазджытæм: Хъыгагæн ныры дуджы ис сæмбæлæн ахæм хистæртыл, кæцытæн сæхицæн хатгай фæхъæуы амонын. Куыд хъуамæ дара йæхи кæстæр, ахæм хистæрты раз?

Ныхасы бар Терчы фаллаг фарсы районы Стыр Ныхасы сæрдар Туаты Русланæн.

Скъоладзауты фарстатæ

Амонæг-

Ацы къуыри у æппæт ирон адæмы стырдæр æмæ кадджындæр бæрæгбæттæй иу - Джеоргуыба. Иу къуырисæрæй иннæмæ адæм кувыц уæларвон тыхтæм, æмæ курынц зæххон хорзæхтæ. 

Ирон адæм стыр кад, стыр аргъ кæнынц сæ зæдтæн, сæ дзуæрттæн. Фæлæ 

уыцы дзуæртты хсæн дæр уæлдай кадджындæр бынат ахсы Уастырджи, 

нæлгоймæгты бардуаг, бæлццæтты, хæстонты фæндарастгæнæг, мæгуыртæн 

æххуысгæнæг, кæстæрты раст фæндагыл аразæг. 

Ныхасы бар уазæгæн

Скъоладзаутимæ  дискуси  Джеоргуыбайы бæрæгбоны фæдыл.

Амонæг- Æнусæй æнусмæ нæм фæхæццæ сты нæ фыдæлты хорз æмæ рæсугъд æгъдæуттæ æмæ махæн нæ хæс у уыдон бахъахъхъæнын.

?

Абон нæ конференци уыйадыл фæци, бузныг! Хорз фæндæгтыл цæут! Фæрнæйдзаг ут!